شخبطه

يعنــــى أيـه متلــخبطه

يعنــــــى جـوايا زى الشــخبطه

حروف ضياع متــــفرقـه

على حرفين غارقانين بالدموع

وبالأمل متشعبطه

احساسهم شجن

وابتسامه على ذكرى عدت وفاتت

بلمح البصر وانا مــحبطه

زى اللى تاهت وسط الطريق متغربه

ولا عابر سبيل رحال

كره الترحال والشعبطه

بس أكيد راح ييجى يوم

والفرح يلاقينى

والإبتسامه راح تترسم

وتكون ساحره على جبينى

وقتها تترتب خطوطى

وتتمحى الشخبطه

واكتب أحلى كلام

هيكون نعمه من الرحمان

واحس بالدفا

زى اللى كان بردان

وخلاص لاقى الأمان

والفرح له صفا

بقلم أسماء محمد محمد

ـــــــــــــــــــــــــــــــــــــــــــــــــــــــــــــــــــــــــــــــ

الصفحات