ياريت الفرح دام بقلم لآلىء منسيه
ياريت الفرح دام
!!!!!!!!!!!!!!!!!!!!!!
وانا بصة فوق فى السما
شفتك بعين فنان
شفتك عاشق .. مفارق
بتعزف بناى كمان
تحت ضل شجره
فوقها عصفور كنارى
بيتمايلو
على عزف كلامك
كأنه ناى
كله حسيته فى عيونك
لما شفتك
فى محطة سفر زمان
كأنك شجر بلا أغصان
وانت على محطة النسيان
من يومها صورتك فى خيالى
محفوره ما لمست أبداً
رمال شط النسيان
فى كل حياتى لك صوره
وعينى ماشافت غيرك صوره
وفى كل شط رسمت لك صوره
حتى شط النسيان بقا لك صوره
ولما شفتك من تانى
هو انت ماغير فيك زمانى
تدور الأيام . ويجمعنا القدر
تحت سيل المطر
يتمزج معاها . دمع اشتياقى
سمعت منك كلمه
اتمنتها طول اتنظارى
انطفت معاها حرقة احزانى
والقلب العليل طاب
لما شافك قصادى
الفجر شأشأ بلون وردى
وشمس المحبه
نورت ليلى ونهارى
وياريت الفرح دام
لكن حكم القدر
يفرقنا الوهن
واكمل وحدى المشوار
وكل يوم ارسم لك صوره
وانا بصه فوق فى السما
لآلىء منسيه
