طيفك واخدنى بقلم لآلىء منسيه
طيفك واخدنى
لما أحب اشوفك
بس بغمض عيني
الاقيك تاخد إيدى
وبروح عالم تانى
تسقينى من حبك
واسقيك شهد حنانى
لما أحب اشوفك
بس بغمض عيني
بعيش معاك ليلى
وكأنه عالم تانى
فيه حنانك يملانى
ورضا منك يروينى
لما احب اشوفك
بس بغمض عينى
بعيش بكل كيانى
فى رحله بحريه
مركبها عشقك
مجدفها كفوفك
شطها عيونك
رموشك بتحمينى
لما احب اشوفك
بس بغمض عينى
الاقى طيفك
حاضن هوايا
حاسس غنايا
قبل مااقول واحشنى
يضمنى وياخدنى
لدنيا غير دنيايا
لآلىء منسيه
