فانوس جريح بقلم أسماء محمد محمد
فانوس جريح
&&&&&&
طفل مستنى
ابوه بشوق
أول رمضان
عشان
هديه
بيستناها
تنور له
ويسمع غناها
بس يا كبدى
أم قالتله
الفانوس
السنا دى
غير كل سنه
السنه دى
فانوس بيبكى
فانوس جريح
وشال الهم
وريحته دم
غناه أنين
أصله حزين
عشان
ابوك مات
فى مظاهره
سلمي
رافع راية
حب وطنى
قتله طماع
لبلده باع
وحقه يا ابنى
ضاع
مهو بقى
ده شيء مشاع
والكل ضاع
ما بين
ظالم
ومظلوم
ما هو ده بقى
عهد اليوم
كل طرف
غض الطرف
ورمى
الحق
على المقتول
ومسكو فيه
وسابو المسئول
مع انه مات
عشان
يجمعهم
ويبقوا واحد
ما هو
البلد بلدهم
سامحنى
يا ابنى
ابوك مات
متبقاش تستناه
خلاص العمر
فات
بس تعالى
اعلمك حاجه تانيه
لازم
تمسك بدل الفانوس
حربه وموس
أصل اللى جاى
يمكن يكون
أكتر الأيام
دى جنون
سامحنى
يا ابنى
بقلم أسماء محمد محمد
