يسلم جيش بلادى بقلم أسماء محمد محمد
يسلم جيش بلادى
########
تسلم الأيادى
ويسلم جيش بلادى
كان نفسى اقولها
زى زمان
بس
بعد ما ساب الظلم
بكانا
وفى وجوده
ضاع الآمان
جيت اقولها
اتخنق الحرف
جوى حلقى
نزلت دموعى
وحزنى بان
تكوى وتلهب
قلب حزين
الفرح جواه
بقى ضنين
لما اتهان
أصل بلدى
اتقسمت نصين
كل نص
بقى من التانى
حزين
مع أن كلنا
مصريين
وف حب مصر
احنا رهبان
طول عمرى أعرف
جيشنا
حامينا من الأعادى
ومن سماته الإحسان
ولما ساب مهامه
ونصب نفسه
يحكم بلدى
وادى حبه
للى سرقوا
وبسببهم
عشنا الظلم
حسينا وجعه
وبين اديهم
دوقنا طعم الحرمان
حزنت جدا
لأن جيشنا
الوحيد اللى ربنا
ذكره فى القرءآن
طول عمره عادل
حبه
فى القلوب فطرى
بكل زمان
لأنه حارب وانتصر
على العدى
ورجع كرامة المصريين
بكل مكان
ودلوقتى
نازل ضرب
بالثوار
يا ترى كل ده
لحساب مين
ملعون التقسيم
اللى خلانا أحزاب
كل طرف
فاكر التانى إرهاب
وقعد يسقيه المرار
من كاس العذاب
ويوصفه بالكذاب
جاى للخراب
نسيوا
اللى زمان سرق
ولقلوبهم حرق
وراجعين تانى
يقولولوا آسفين
تعالى احكمنا
ده احنا للعبوديه
عاشقين
ولا هننتج
ولقمحنا مش زارعين
بس الله يخليك
رجعلى جيشى
اللى حبه عاش معايا
سنين
بقلم أسماء محمد محمد
Web Counter Complete
